Հատուկ ֆուտբոլասերների համար ԱյԴի Բանկը Երևանի Անգլիական այգում (Իտալիայի փողոց, Սունդուկյանի թատրոնի հարևանությամբ) կազմակերպելու է բացօթյա FanZone, որտեղ բոլոր ցանկացողները հունիսի 14-ից հուլիսի 15-ը կկարողանան դիտել ֆուտբոլի աշխարհի առաջնության բոլոր խաղերը։ Խաղերի ամբողջ ընթացքում Բանկի և գործընկերների կողմից կազմակերպվելու են հետաքրքիր խաղարկություններ։

Ուրախ ենք տեղեկացնել, որ «Անելիք Բանկ» ՓԲԸ-ն 2018թ. հունիսի 4-ից վերանվանվել է «ԱյԴի Բանկ» ՓԲԸ-ի, ինչը Բանկի և իր հաճախորդների միջև առկա իրավահարաբերություններում որևէ փոփոխություն կամ իրավական հետևանք չի ենթադրում:

Մայիսի 30-ին ասուլիսի և հաջորդող շնորհանդեսի ընթացքում «Անելիք Բանկը» հայտարարեց ռեբրենդինգի մասին և ներկայացրեց նոր անվանումը ու ապրանքային նշանը։ Հունիսի 4-ից Բանկը հանրությանը կներկայանա «IDBank» անվանմամբ:

Հարգելի' hաճախորդներ,

Տեղեկացնում ենք, որ համաձայն «Հայաստանի Հանրապետության տոների և հիշատակի օրերի մասին» ՀՀ օրենքի՝ մայիսի 9-ը համարվում է ոչ աշխատանքային օր: Իսկ մայիսի 8-ին, որպես նախատոնական օր, Բանկը հաճախորդների սպասարկում կիրականացնի մինչև ժամը 15:45: