Փոխանցումներ IDBank-ի հաճախորդներին՝ արդեն հեռախոսահամարով
Այսուհետ IDBanking.am հարթակում IDBank-ի այլ հաճախորդներին փոխանցումներ կատարելիս ստացողի հաշվեհամարը հիշելու անհրաժեշտություն չկա․ փոխանցումը կարող եք կատարել՝ նշելով ստացողի հեռախոսահամարը։
Ծառայությունը հարմար է ինչպես փոխանցում կատարողին, այնպես էլ ստացողին, ով կրկին IDBanking.am հարթակով կարող է իր հեռախոսահամարը կցել այն հեռախոսահամարին, որին ցանկանում է ստանալ փոխանցումը։
Հեռախոսահամարը հաշվին կցելու համար անհրաժեշտ է կատարել ընդամենը մի քանի պարզ գործողություն․
- Մուտք գործել IDBanking.am հարթակ,
- Բացե՛լ «Հաշիվներ» բաժինը,
- Ընտրե՛լ նախընտրելի հաշվեհամարը և սեղմել այդ հաշվեհամարի «Հեռախոսահամար» դաշտին,
- Բացված էջում լրացնել Ձեր բջջային հեռախոսահամարը, ընդունել պայմաններն ու դրույթները, սեղմել «Ստանալ կոդը» կոճակը և հաստատել 6-անիշ PIN-կոդով։
- Լրացնել մուտքագրված բջջային հեռախոսահամարին SMS-ի միջոցով ստացված կոդը և սեղմել «Հաստատել»։ Պատրաստ է։
Ձեր հեռախոսահամարը հաջողությամբ կցված է Ձեր ընտրած հաշվեհամարին։
Դուք կարող եք նաև փոփոխել ինչպես հաշվեհամարը, այնպես էլ հեռախոսահամարը՝ ընտրելով Ձեզ հարմար տարբերակը։
Այսպիսով, առանց Բանկ այցելելու հնարավոր է կատարել և ստանալ փոխանցումներ՝ արդեն նաև հեռախոսահամարով։ IDBank-ը շարունակում է զարգացնել մատուցվող թվային ծառայությունները՝ հաշվի առնելով հաճախորդների հարմարավետություն ու ժամանակի խնայողությունը։
Բանկը վերահսկվում է ՀՀ ԿԲ կողմից։