IDBank-ն ու «Արմլիզինգ»-ը կհամագործակցեն

IDBank-ն ու «Արմենիան Լիզինգ Քամփնին» համագործակցության պայմանագիր են ստորագրել, որով

1.       «Արմլիզինգը» կմատուցի մասնագիտացված լիզինգային ծառայություններ IDBank-ի կողմից առաջարկվող հաճախորդներին: Սա նշանակում է, որ բացի լիզինգի բուն գործընթացի սպասարկումից հաճախորդները կստանան ֆինանսական և ոչ ֆինանսական բնույթի այլ ծառայություններ, ներառյալ խորհրդատվություն։

2.       «Արմլիզինգը» կիրականացնի լիզինգային գործարքների ֆինանսավորումը ինչպես սեփական միջոցներով, այնպես էլ կստանա ֆինանսական միջոցներ IDBank-ից (միջբանկային վարկ կամ վարկային գիծ) իրականացվող նախագծերի ֆինանսավորման համար։

3.       Կիրականացվեն ֆինանսավորման նախագծեր, որոնք կմեկտեղեն երկու Ընկերությունների ուժեղ կողմերը շուկայում՝ հաճախորդներին համաֆինանսավորման սկզբունքով տրամադրելով նաև հատուկ առաջարկներ։

4.       Արմլիզինգի հաճախորդները IDBank-ում կսպասարկվեն անհատական պայմաններով։

IDBank-ի Կորպորատիվ բիզնեսի տնօրեն Տիգրան Մխիթարյանի խոսքով Արմլիզինգի հետ համագործակցությունը Բանկի հաճախորդներին հնարավորություն կտա օգտվել լիզինգային ծառայություններից, իսկ Արմլիզինգի հաճախորդները կօգտվեն վարկային ռեսուրսներից։

«Արմենիան Լիզինգ Քամփնի» ՓԲԸ-ի գլխավոր տնօրեն Ա․Բազիկյանի խոսքերով՝ ծառայությունների մատուցման նման ձևաչափը նոր մակարդակի է բերում ֆինանսական կառույցների միջև համագործակցությունը, որից միանշանակ շահում է շուկան։

 

ԲԱՆԿԸ ՎԵՐԱՀՍԿՎՈՒՄ Է ՀՀ ԿԲ ԿՈՂՄԻՑ

© 2024 All rights reserved by IDBank
ԲԱՆԿԸ ՎԵՐԱՀՍԿՎՈՒՄ Է ՀՀ ԿԲ ԿՈՂՄԻՑ
Էջը թարմացվել է 20.09.2021 11:44
Կայքի նախագծումը և պատրաստումը՝ Новый сайт