Chat with us, powered by IDBank
Սեպտեմբերի, 30 2019
Ուզբեկստանի Կենտրոնական բանկի եւ առեւտրային բանկերի ներկայացուցիչների պատվիրակությունն IDBank է այցելել

Ուզբեկստանի Կենտրոնական բանկի եւ առեւտրային բանկերի ներկայացուցիչների պատվիրակությունն IDBank է այցելել

Այցի նպատակը ֆինանսական համակարգի հայաստանյան փորձն ուսումնասիրելն է։

Ուզբեկստանի ԿԲ-ի և առևտրային բանկերի ներկայացուցիչներն այսօր եղել են IDBank-ի գլխամասային գրասենյակում, ծանոթացել բանկի գործունեությանը մանրածախ վարկավորման, նորարարությունների ներդրման ոլորտներում, ինչպես նաև մասնաճյուղերի աշխատանքի, «Հեռախոսազանգերի կենտրոն»-ի աշխատանքի կազմակերպման և այլ  գործընթացներին։
Բանկի Վարչության նախագահի խոսքով Ուզբեկստանի բանկային համակարգի ներկայացուցիչներին հետաքրքրում է հայաստանյան փորձը, քանի որ ՀՀ բանկային համակարգը ամենազարգացածներից մեկն է տարածաշրջանում։

«Որպես հայաստանյան բանկային համակարգում 30-ամյա պատմություն ունեցող՝ միաժամանակ հաջողությամբ ռեբրենդինգ իրականացրած Բանկ, Ուզբեկստանի մեր գործընկերների համար մեծ հետաքրքրություն էր ներկայացնում IDBank-ի փորձը՝ հաշվի առնելով, որ Բանկը ժանամակին համընթաց քայլելով՝ հաճախորդներին առաջարկում է ժամանակակից, նորարար պրոդուկտներ՝ միաժամանակ արդիականացնելով մասնաճյուղային ցանցն ու ապահովելով ավանդական սպասարկման բարձր մակարդակ», - ասել է Վարչության նախագահ Մհեր Աբրահամյանը։

Ուզբեկստանի բանկային համակարգի ներկայացուցիչները, խոսելով այցի նպատակների մասին հատկապես շեշտել են իրենց հետաքրքրությունը մանրածախ ոլորտում, այցելել են նաև Բանկի մասնաճյուղեր և հետևել աշխատանքների կազմակերպմանը։

Զարգացման ծրագրերի, ուղիների ու հեռանկարների, մանրածախ ոլորտում գրանցած հաջողությունների, մասնաճյուղային ցանցի արդիականացման ու նորացման մասին հյուրերին պատմել են պատասխանատուները։

Փորձի փոխանակումը երկուստեք արդյունավետ են համարել։

վերադառնալ ցանկին