ԱյԴի Բանկը զիջում է իր ֆիզիկական անձ հաճախորդների անհուսալի վարկերի գծով հաշվեգրված տույժերը
Ողջունելով հարկային օրենսգրքի վերջին փոփոխությունները, կարևորելով անհատական մոտեցումը և փորձելով ստեղծել ամբողջովին նոր գործընկերային միջավայր՝ «ԱյԴի Բանկը» որոշում է կայացրել` Բանկի հետ հաշտություն կնքելու դեպքում, զիջել իր ֆիզիկական անձ հաճախորդների 2018թ մայիսի 31-ի դրությամբ անհուսալի վարկերի գծով հաշվեգրված տույժերն` ամբողջ ծավալով։ Բանկի կողմից հաճախորդին կառաջարկվի վճարման նոր ժամանակացույց։ Սույն գործընթացը կիրականացվի մինչև ս․թ․դեկտեմբերի 31-ը` բոլոր վարկատեսակների գծով։ «Բանկը արդեն երկար ժամանակ է ինչ որդեգրել է վճարունակության հետ խնդիրներ ունեցող պարտապանների պարտավորությունների՝ հնարավորության և ողջամտության չափով, զիջման քաղաքականություն, իսկ հաշվի առնելով Բանկի զարգացման նոր ուղին՝ մենք բաց ենք և պատրաստակամ ցանկացած իրավիճակում աջակցել մեր հաճախորդներին»,- նշել են Բանկում։ Հաճախորդները կարող են մոտենալ Բանկի ցանկացած մասնաճյուղ կամ զանգահարել տեղեկատվական կենտրոն՝ 010 59 33 33 հեռախոսահամարով և ստանալ մանրամասն խորհրդատվություն այս գործընթացի մասին։
© 2024 All rights reserved by IDBank
ԲԱՆԿԸ ՎԵՐԱՀՍԿՎՈՒՄ Է ՀՀ ԿԲ ԿՈՂՄԻՑ
Էջը թարմացվել է 20.09.2021 11:44
Կայքի նախագծումը և պատրաստումը՝ Новый сайт